一個令我非常感動嘅演唱會
EDMOND YIU - «605慈善演唱會»
唱得好好聽，有舞蹈，仲有好多藝術環節，真係超出我嘅預期，睇得出所付出嘅努力🥰
Edmond 喺我一個亦師亦友嘅前輩
（關係複雜，好難表達🤣）
當初我選擇再進修，而Edmond就喺課堂上帶領我進入另一個世界嘅老師，令我發現「路」並不是得一條，藉此引發咗我好多奇怪嘅思維，好多天馬行空嘅想法。你可以認命，你可以反抗，你可以選擇，要記住人生只有一次，所以我先會追隨自己嘅喜好，做我想做嘅事。
無論一個人有幾強大幾樂觀，都總會有失落嘅時候，好多內在想法，好想同最親嘅人坦白，但一直都講唔出口，到鼓起勇氣坦白嘅時候，可能已經再冇機會。（我都想同老豆講聲多謝，好多林林種種嘅說話，但已經再冇機會再講）
善良嘅人，想去坦白心中所想，但又害怕傷害到他人，結果獨自承受，無助、黑暗與孤獨，人生正值充滿著唔同嘅矛盾。
我都好鍾意唱歌，讀書時候甚至會參加歌唱比賽，透過歌曲去表達內心感受，表達自己未能盡情坦白嘅一面，我都好想再次喺人面前唱歌，我唔知自己仲有冇呢個膽量呢？
（現時主要唱比湯圓兄妹聽，主打名曲：Baby Shark）
#我何嘗唔想成為一個出色嘅歌唱家呢
@edmond.yiu.11 老師，未來有機會可以一齊合唱呀？☺️
Search